Սպիտակ Հնացված Անապակ Գինի
Հնացումը կաղնե տակառներում՝ մինչև 8 ամիս (արցախյան կաղնեփայտ, միջին խարկվածության)
Խաղողի տեսակը՝ 85% Ոսկեհատ, 15% Մուսկատ
Գույնը՝ բյուրեղյա մաքուր, կանաչադեղնավուն և թեթև ոսկեգույն փայլով։
Բույրը՝ թարմ, բազմատարր՝ թարմացնող հանքային բաղադրիչով, սերմավոր մրգերի վառ արտահայտված փնջով (կանաչ խնձոր, տանձ, սերկևիլի թեթև երանգ), առկա են դաշտային և դեղին ծաղիկների նոտաներ։
Համը՝ մեղմ, բալանսավորված, քիմքը ջերմացնող։ Վառ արտահայտված են մրգային նոտաները՝ դեղձի և ծիրանի թույլ նրբերանգները, հատկապես ընդգծված են սալորի և հասած սպիտակ բալի բույրերը, հասած տանձի՝ դյուշեսի նուրբ նոտաները։ Հետհամը միջին տևողության է, վերջում՝ հաճելի թեթև դառնությամբ։
Զգացվում է կաղնեփայտի շատ փափուկ և ներդաշնակ շփումը գինու հետ, մեղմ նշմարվում են վանիլի և կարամելի նրբահամ երանգները:
1 արկղը պարունակում է 6 շիշ գինի
